| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 2.359 | Joseph. BJ 2.364 (English) | >>Joseph. BJ 2.369 |
2.362πρὸς Αἰγυπτίους ἄρα καὶ πρὸς Ἄραβας οἴεσθε κινεῖν τὸν πόλεμον ; οὐ περισκέψεσθε τὴν Ῥωμαίων ἡγεμονίαν ; οὐ μετρήσετε τὴν ἑαυτῶν ἀσθένειαν ; οὐ τὰ μὲν ἡμέτερα καὶ τῶν προσοίκων ἐθνῶν ἡττήθη πολλάκις , ἡ δὲ ἐκείνων ἰσχὺς διὰ τῆς οἰκουμένης ἀνίκητος ;
2.363μᾶλλον δὲ καὶ ταύτης ἐζήτησάν τι πλέον · οὐ γὰρ ἐξήρκεσεν αὐτοῖς ὅλος Εὐφράτης ὑπὸ τὴν ἀνατολὴν οὐδὲ τῶν προσαρκτίων ὁ Ἴστρος ἥ τε μεσημβρινὴ μέχρι τῶν ἀοικήτων ἐρευνηθεῖσα Λιβύη καὶ Γάδειρα πρὸς ἑσπέραν , ἀλλʼ ὑπὲρ ὠκεανὸν ἑτέραν ἐζήτησαν οἰκουμένην καὶ μέχρι τῶν ἀνιστορήτων πρότερον Βρεττανῶν διήνεγκαν τὰ ὅπλα .
2.364τί οὖν ; ὑμεῖς πλουσιώτεροι Γαλατῶν , ἰσχυρότεροι Γερμανῶν , Ἑλλήνων συνετώτεροι , πλείους τῶν κατὰ τὴν οἰκουμένην ἐστὲ πάντων ; τί τὸ πεποιθὸς ὑμᾶς κατὰ Ῥωμαίων ἐπαίρει ; χαλεπὸν τὸ δουλεύειν , ἐρεῖ τις .
2.365πόσῳ μᾶλλον Ἕλλησιν , οἳ τῶν ὑφʼ ἡλίῳ πάντων προύχοντες εὐγενείᾳ καὶ τοσαύτην νεμόμενοι χώραν ἓξ Ῥωμαίων ὑπείκουσιν ῥάβδοις , τοσαύταις δὲ καὶ Μακεδόνες οἱ δικαιότερον ὑμῶν ὀφείλοντες ἐλευθερίας ἀντιποιεῖσθαι .
2.366τί δʼ αἱ πεντακόσιαι τῆς Ἀσίας πόλεις ; οὐ δίχα φρουρᾶς ἕνα προσκυνοῦσιν ἡγεμόνα καὶ τὰς ὑπατικὰς ῥάβδους ; τί χρὴ λέγειν Ἡνιόχους τε καὶ Κόλχους καὶ τὸ τῶν Ταύρων
--
| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 2.359 | Joseph. BJ 2.364 (English) | >>Joseph. BJ 2.369 |
